好戲加好演員﹐勁﹗

10/24/2009 3:33:10 PM

我雖然係海外﹐不過都係睇TVB大。但o里幾年就真係頂唔順﹐套套劇集唔係吵冤八閉﹐就係D唔識做戲o既姐仔晚晚係度表演點做人肉花樽。

o里次無意間睇到 ”蔡鍔與小鳳仙”﹐竟然一發不可收拾﹗雖然唔係大製作﹐劇情有瑕疵﹐但套劇最大o既亮點就係佢係用個心去同觀眾講o里個故事﹗冇潑婦爛gag﹐冇大哭大 鬧。Lee個幕後團隊通過鏡頭﹐用心去婉婉o甘講一段歷史﹐講一個亂世中感人ge愛情故事。而幕前o既演員更加冇得頂﹐個個都係演技派。海味同松哥o里倆 位就更加係功臣中o既功臣。我相信好多初初唔認同佢地o既人﹐依家睇完成套劇﹐都不得不承認被佢地感動到﹐讚佢地係真真正正o既老戲骨。我唸唔到TVB有 邊兩個演員可以代替佢地, 而果D小生姐仔就真係應該返屋企訓﹗

雖然知道TVB冇可能會畀獎佢地﹐不過都要係度呼籲下TVB﹐唔好已為D觀眾個個都係盲o既先得架! 果D台慶獎o里幾年已經失晒誠信﹐唔該D 高層唔好繼續掩耳盜鈴﹐係時候公平D, 好好反省下﹗
  
仲有﹐套劇係海外好hit﹐口碑好好﹗我頭先去租DVD﹐d 人話 蔡鍔與小鳳仙ge DVD租到冇晒﹐成班人拍曬隊係度等﹗反而D台慶劇就仲有大把擺係度﹗